नपुंसकता के घरेलु उपाय | Napunsakta Ka Gharelu Ilaj

- May 08, 2017
YonRog bahut se hote hain jinme napunsakta bhi hai, Napunsakta yon rog purusho me paya jata hai. Iska matlab hai ki jin purusho me kaam karne ki ichha khatam ho jati hai ya jo purush chah kar bhi kaam nahi kar pate wo napunsk kahtate hain, aur is tarah ki beemari ko napunsakta kaha jata hai. Maine aapko itna bataya lekin abhi apko shayad meri baat sahi sahi samjh na aayi ho, is liye main aapko napunskta ke bare me detail se bataunga. Iske liye main aaj ke article ko kuch bhago me baat deta hoon, hum napunsakta se related har baat ko acche se samjhenge aur fir napunsakta ke gharelu upay par aayenge. Isme hum kya kya janenge use aap kuch points me dekh le.


  •  Napunskta kya hai (What is Impotence in hindi).   
  •  Napunskta ke kya karan hain (Cause of impotence in hindi ).
  •  Napunsakta ke lakshan (Symptoms  of impotence).
  •  Napunskta ke gharelu Upay (Home remedies of Impotence In hindi).
  •   Napunsakta me kya parhej kare, kya khaye.

napunsakta ka ilaj kaise kare impotace home remedies in hindi

Napunsakta kya hai:

Napunsakta ka matlab hai purush ka stri yogya na rah jana, matlab jab kisi adami ka kaisi aurat ke sath yani ki apni biwi ke sath sambhog karne ki ichchha na kare to ise napunsakta kaha jata hai. ye 2 type ki hoti hai. Ek to sharirik taur par aur dusari mansik roop se. 
Sharirik napunsakta me purush ka ling uttejit nahi ho pata hai jo ki sambhog karne ke liye kaam aa sake. Ling shithil ho jata hai aur bahut kam kadak rahta hai. Mansik napunsakta me purush ka man sex karne me nahi lagta. Wo sambhog ki kriya se ghrana karne lagta hai.
 

Napunsakta Ke Lakshan:


Napunsakta ke lakshano ki agar baat ki jaye to kuch point per dhyan dene se bataya ja sakta hai ki purush impotent hai.
  • Napunsak purush ka ling khada nahi hota hai.
  • Ling kadak nahi ho pata hai.
  • Ling ki naso me tanav nahi rahta.
  • Purush me josh ki kami aana.
  • Mansik kamjori ke man na lagna.
  • Jaldi skhalit ho jana.
  • Aurat ko santust na kar pana.
Kaam shakti ka kisi bhi prakar se kam ho jana ya bilkul na rah jana hi impotence hai.


Impotence ke cause:

Napunsakta ka karan main aapko upar bata hi chuka hoon. Jab purush ke man me biwi ke chune se ya kisi aurat ke chune se koi samvedana na ho to napunsakta ka karan ban jata hai. Impotent apni biwi ko kabhi bhi santust nahi kar pate hain aise me purush mansik roop se beemar bhi ho jata hai. Lekin kuch logo ka mannan hai ki napunsakta ka ek karan Bachpan ki galtiya yani ki hasth-maithun hai,to ye galat hai. Hasth maithun unnatural zaroor hota hai par ye napunsakta ka karan nahi banta.
 
Neem hakeemo aur kuch books ne logo ke man me vikar utpann kar diye hain. aise me jo hasth maithun karta hai, uske man me yahi vichar utpann ho jata hai ki wo ek din napunsak ho jayega aur apni biwi ko santusht nahi kar payega. Is karan se uske man me dar baith jata hai aur sambhog karne se pahle wo in sab bato ke bare me sochne lagta hai, jisse uska dhyan sambhog par kam rahta hai aur wo mansik roop se napunsak ho jata hai, balki wo kabhi napunsak tha hi nahi.

Is liye kabhi bhi sex se pahle jyada vichar na laye, bilkul shant man se hi sex karna chahiye. Kaam se aane wale logo ko turant sex nahi karna chahiye, kyo ki wo thake hue hote hain aur thakan me virya jaldi nikal jata hai. Agar aap sambhog ka asli anand lena chahte hain to aap relex hokar hi sambhog kare. Iske liye aap 2-3 ghante ka waqt de. Subah 5-6 baje ka waqt bhi sex ke liye uttam hai.


 Napunsakta ka gharelu ilaj:  


Abhi aap impotence ke cause aur symptoms jaan chuke hain, ab aap iske gharelu ilaj bhi jane. Main aapko gharelu ilaj ke alawa kuch upay aur bataunga jisse aapko ise door karne me madad milegi.

Swarnmaltibasant(स्वर्णमालतीबसंत):

Swarnmaltibasant ek chamatkari aushadhi hai, iske upyog se aap impotence se chutkara pa sakte hain. Iske liye aapko swarnmaltibasant ka ras 150mg se 200mg chawanprash aur ek gilas cow milk ke sath lena hai. Isse ling putwan hota hai aur virya me takat aati hai, jisse rogi napunsak nahi rahta hai.


Shatawari (शतावरी):

Shatawari ghee ka sewan bhi ek napunsak ko balwan bana deta hai iska rozana sewan karne se bahut labh milta hai. Shatawari ki 5 gram matra ko 10 gram mishri ke sath milakar cow milk ke sath le, Nishchit hi achha fayda hoga.


Ashwagandha Churan (अश्वगंधा):

Ashwagandha ek bahut hi upyogi paudha hai, jiski jad ka prayog bahut se kamo me kiya jata hai, isse sabhi harmone ke problem door ho jate hain. Impotence ke liye ashwagndha ek achhi aushadhi hai. 5 gram churan rozana subah sham pani ke sath ya cow milk ke sath lene se aapke virya me gadhapan aayega sath hi ye napunsak ho pushtwan bana dega.


 Kaunch Ke Beej(कौंच बीज):

Kaunch ke beej is beemari ke liye vardan ke saman hote hain, agar aapko kaunch ke beej mil jaye to napunsakta to door hogi hi sath hi aapki sex karne ka time bhi badh jayega. 50 gram kaunch ke beejo me itne hi gokharu ka churan aur isse double mishri ko mila kar churan bana le rozana 5 gram cow milk ke sath lene se aapko iska asar dikh jayega.


Lahsun Aur shahad:

Lahsun ek chamatkari aushdhi ke roop me mana gaya hai, koi bhi beenari ho bas lahsun kaam karega.Isliye rozana lahsun khane ki adat dalo. 250 gram lahsun ko 750 gram shahad me duba kar kisi bade se kanch ke bartan me rakh de. Ab is bartan ko kisi gehu(गेहूं) ki bori me dabakar 30 dino ke liye rakh de, ab isme se 5 gram rojana subah sham khaye aur 2 mah tak cow milk ke sath lagatar sewan karne se virya pusht ho jata hai aur ye Napunsakta ke gharelu ilaj ke taur par ye achha kaam karegi.


Badam Aur Keshar:

Badam aur keshar namardi ke liye labhkari siddh ho chuke hain. Rozana 5 badam 10 reshe keshar cow milk ke sath lene se namardi door ho jati hai sath hi virya me gadhapan aa jata hai.


Tulsi Ki Jad ya Tulsi ke beej:

Tulsi ek daiviya aushadhi hai iska jitna bakhan kare kam hi hai. Namardi ke liye tulsi ka sewan karna achha rahta hai. iske liye aapko tulsi ki pisi hui jad 2-3 gram pan ke patte par rakhkar chwakar khani hai. ya aap tulsi ke beej ko bhi pan ke sath kha sakte hain. kewal pan ka paata hi le bana hua pan na le.


Lauh Bhasm (लौहभस्म):

200 mg lauh bhasm ko cow milk ke sath sewan karne se namardi door ki ja sakti hai, rojana sewan karne se aapko zaroor fayda hoga.Lauh bashm apke ling me majbooti lati hai aur virya ko pust banati hai.


Pyaz ras aur shahad:

Pyar bhi lahsun ki tarah hi gunkari hai, pyaz ke ras me thoda sa shahad milakar rozana peene se ling putwan ho jata hai aur namardi khatam ho jati hai.


Namardi Hone par Kya khaye:


Napunsakta ya namardi ke gharelu nuskhe to aap upar jaan hi gaye hain inme se koi 2 nuskhe aap aaj se hi shuru kar de. Lekin iske baad bhi aapko kuch aise fal hain jinka sewan karna chahiye.

  • Kele ka sewan kare.
  • Khajoor khana bhi labhdayak hai.
  • Palak ka sewan kare.
  • Anar ka ras peena isme labhkari hai.
  • Gajar ke mausam me gajar khaye.
  • Nariyal pani aur kachha nariyal bhi khaye.
  • Safed pyaz khaye.
  • Deshi ghee kahye.
  • Shahad ka sewan kare.
  • Badam khana shuru kare.
  • Khane me lahsun samil kare.
  • Chilkoje khaye.
  • Pishte khane se bhi namardi door hoti hai.
Ye to wo cheeze hui jinhe khane se aapko namardi door karne me sahayata milegi, balki main kahunga ki iske rozana sewan se namardi aapke paas nahi rahegi sath hi ling majboot hoga, aur virya me gadhapan aa jata hai, aur sambhog karne ka waqt bhi badh jata hai.

Kuch Important Bate:

Jaisa ki aap jante hain ki upar maine napunsakta se related har baat par discusion kiya hai. lekin namardi ka ilaj kewal dawa lene se hi nahi sahi hoga. Koi bhi dawa tabhi asar karegi jab aap apne ke mansik roop se swasth payenge.
  • Jaisa ki maine pahle bhi bataya hai ki namardi yani ki napunsakata 2 type ki hoti hai. Ek to harmone ki wajah se jo ki janmjat ho sakti hai ya baad me bhi aa sakti hai. aur dusari mansik. mansik namardi lagbhag 80% logo ko hoti hai. Isliye gharelu ilaj ke sath sath ye dimag se aap nikal de ki aap napunsak hain.
  • Sambhog karn se pahle koi bhi vichar man me na laye, iske liye achha hoga ki aap shant jagah par sex kare.
  • Jaldbaji me na rahe dheere dheere sambhog ki kriya hi sarvottam mani gayi hai, is liye shant hokar sambhog kare.
  • khana khane ke 2-3 ghante baad hi sambhog kriya kare, aur jab aap apne ko relex feel kare tabhi sex kare.
  • Kaam karke yadi aap thak gaye hain to sambhog na kare, relex ho jane ke baad hi sambhog kriya karni chahiye.
  • Agar ling me kadapan kam hai to subah ke waqt sambhog kare. is samaye ling kadak ho jata hai, aur aapka shareer bhi sabse jyada relex hota hai.
  • Subah 5-6 baje ke beech ka waqt achha mana jata hai.
  • Tan par kam se kam kapde hone chahiye, ya to dheele kapde ho ya tan par kapde na bhi ho.
  • Khane ka vishesh dhyan rakhe.
  • Agar aap mote hain to apna wajan kam kare, motapa bhi napunsakta ka ek karan hai.
Napunsakta ya namardi par jitna bhi main likhunga kam hi rahega. Maine aapke samne best gharelu nuskhe rakhe hain, ye napunskta ka ilaj karte hain aur aapke ling ko majboot banate hain. Iske baad bhi aapke man me koi bhi sawal hai to aap mujhse zarror punche, kyo ki ye koi sharm ki baat nahi hai. Biwi ko santusht rakhan bhi apka hi dharm hai, kyo ki sambhog kewal vasana ke liye nahi use kiya jata hai, jabki ye mastik ko durust rakhta hai, sath hi ye sambhandho me madhurta lata hai.       

Advertisement


EmoticonEmoticon

This Newest This Older
 

Start typing and press Enter to search